Напаѓачот на најдобрата српска репрезентација, Лука Јовиќ е позитивен на коронавирус, денеска објави неговиот клуб Реал Мадрид. Јовиќ го доби позитивниот резултат после враќањето од репрезентативната пауза, а ова е нов проблем за тренерот на „кралевите“, Зинедин Зидан.

Во наредните неколку важни натпревари од „Ла Лига“ и Лигата на шампионите, францускиот стратег не може да смета и на искусниот дефанзивец, Серхио Рамос.

– Реал Мадрид ја известува јавноста дека нашиот фудбалер Лука Јовиќ доби позитивен резултат на тестот на ковид-19 направен во петокот наутро – стои во соопштението на мадридскиот клуб.

Србинот и натаму се мачи да дојде до правата форма која ја имаше во Ајнтрафт Франкфурт од каде се пресели на „Сантјаго Бернабеу“ за 60 милиони евра минатата година. Од доаѓањето постигна само два гола, а во сезоната 2020/21 и натаму нема реализирано погодок.

Со српската селекција успеа изминатиот период да постигне три гола, еден против Шкотска во баражот од квалификациите за Европското првенство, и уште два во убедливата победа над Русија во УЕФА Лигата на нации.

Official announcement: Jović#RealMadrid

— Real Madrid C.F. ???? (@realmadriden) November 20, 2020