Нови проблеми за Меси, ќе го пропушти „Ел Класико“?!
Најголемото фудбалско дерби, популарното „Ел Класико“ помеѓу Барселона и Реал Мадрид, лесно може да се случи да се игра без еден од најдобрите фудбалери на денешницата Лионел Меси.
Според календарот на Ла Лига, големото дерби е предвидено да се игра на 25 октомври на „Камп Ноу“ но поради тврдиот став на ФИФА, можно е тоа да помине без Меси.
Причината за тоа се квалификациите за СП 2022 година кое треба да се одржи во Катар, а Меси и аргентинската репрезентација наредниот месец ги очекуват натпревари против Боливија и Еквадор.
Јужна Америка во моментов е најпогодена од пандемијата на коронавирусот, па поради тоа шпанската влада има одлука сите лица кои доаѓаат од овој континент мора да поминат 14 дена во карантин и тоа без исклучок.
Поради ваквата одлука, но и тврдоглавоста на ФИФА која инсистира да не се одложуваат квалификациите за СП 2022, многу шпански, но и европски екипи се заканија дека нема да ги пуштат своите фудбалери да играат во квалификациите и ризикуваат да влезат во војна со светската фудбалска федерација.