Австралиските власти предупредија дека огромни шумски пожари се уште пустошат во две сојузни држави и продолжуваат да бидат закани за жителите, и покрај тоа што претходно беше известено дека „катастрофалната“ состојба се смири, пренесе Би-Би-Си.

Околу 150 пожари се уште горат во Нов Јужен Велс и Квинсленд, користејќи го сувото време. Педесет куќи се уништени во НЈВ но немаше жртви, рекоа официјалните лица. Во еден момент, беше пријавено дека избувнале пет различни пожари во предградијата на Сиднеј.

Заканата за Нов Јужен Велс беше намалена од катастрофална – највисокото ниво – но официјалните лица ги повикаа ѓраѓаните да останат внимателни.

– Го добивме најлошото од летото, а се уште тоа не е започнато – рече комесарот на руралните противпожарни служби Шејн Фицсимонс.