Нови мерки во три црногорски града: Воведен ноќен карантин, забранети се домашни посети
Во Никшиќ, Беране и Андријевица од 28 септември до 12 октомври е забрането напуштање на местата на живеење од 22 часот до пет часот наутро, а забранета е и работата на угостителските објекти и домашни посети.
Институтот за јавно здравје денеска ја објави листата на кумулативна инциденца на ковид-19 за локалната самоуправа од 12 до 25 септември на основа на која од понеделник се применуваат нови мерки на Државното координативно тело.
.@ijzcg je objavio listu kumulativne incidencije #COVID19 za lokalne samouprave u periodu od 12.09. do 25.09 u 24:00 na osnovu koje se od ponedjeljka primjenjuju nove mjere #NKT.
Promjena u odnosu na jučerašnju listu je da je i Kotor u grupi KI 400 – 799.
(1/2) #CoronaInfoCG pic.twitter.com/eGVJhdf0Ac— Vlada Crne Gore (@VladaCG) September 26, 2020
Во Рожаје од 28 септември е забрането работењето на угостителските објекти и домашните посети.
Во Котор, Будва, и Подгорица од 28 септември до 12 октомври, угостителските објекти имаат дозвола да работат до 22 часот, а најмногу две лица можат да седат на маси. Објаснето е дека растојанието од еден метар е задолжително помеѓу столовите на гостите кои имаат свртен грб едни на други.