Сите мерки за самоизолација се продолжени од 14 на 28 дена, а за викендите забраната за движење е од 15 часот, одлучено е на денешната седница на Владата на Србија.

Најновите мерки за спречување на коронавирусот вкучуваат сите граѓани на Република Србија, како и на странците со дозвола за престој, кои во земјата влегле на 14 март или подоцна, им се продолжува мерката за самоизолација од 14 на 28 дена.

Ова практично значи дека сите кои при влезот во земјата добиле усно или присмено решение за домашна изолација во траење од две недели, изолацијата автоматски продолжува да тече уште две недели. Сите граѓани и странци со дозвола за престој, без исклучок, имаат обврска да го почитуваат продолжениот рок на домашна самоизолација што надлежните органи во следниот период редовно ќе го проверуваат.

Во Србија е изменето и времето на траење на забраната за движење за време на викендите. Граѓаните во сабота и недела ќе мораат да останат во своите домови од 15 часот до 5 часот наутро. Граѓаните кои не се постари од 65 години ќе можат да ги напуштаат своите домови во работните денови и понатаму од 5 часот наутро до 17 часот. Најстарите граѓани можат да ги напуштаат своите домови единствено меѓу 3 и 8 часот наутро, за купување на намирници.

Според експертски анализи, Владата на Србија исто така одлучи да ја повлече одлуката за дозволено шетање на домашните миленичиња во траење од 20 минути меѓу 20 и 21 часот.

Поради тоа што земјата се наоѓа во екот на борбата со заразната болест предизвикана од коронавирусот Ковид-19, одлучено е сите пазари, на отворен и затворен простор, да се затворат на неодредено време.

– Владата на Република Србија ќе продолжи со најголемо внимание да го следи развојот на ситуацијата во врска со вирусот и да ги прилагодува сите мерки, потпирајќи се исклучиво на советите на експертите. Уште еднаш апелираме до сите граѓани да се придржуваат до сите мерки без исклучоци, за сите заедно, што побрзо, од оваа битка да излеземе како победници – стои во соопштението од српската влада.