Нови книги на „Паблишер“ со современ и препознатлив авторски израз

Македонската книжевна продукција е збогатена со неколку нови и квалитетни книги. Во издание на „Паблишер“ во овој период од печат излегоа пет нови несекојдневни наслови: „Капе времето“ и „Место за бегство“ – две збирки поезија од докажаните поетеси Виолета Танчева-Златева и Вања Изова Велева, еден роман за животот од истакнатиот автор и преведувач Ивица Челиковиќ со наслов „Ден за одмазда“, збирката драми под наслов „Страв“, што е првенче на младиот автор Стефан Миленков, како и дебитантскиот научнофантастичен роман „Овириум (Отаде смртта)“ на Агрон Усеини.

Поетесите Виолета Танчева-Златева и Вања Изова Велева се веќе препознатливи по својот авторски израз, особено по лиричноста на стихот и неконвенционалните метафори, а Ивица Челиковиќ по современите приказни за универзалните проблеми на човекот.

Стефан Миленков храбро и на неповторлив начин го најавува својот влез во книжевноста преку прекрасни, современи и мудри драми податливи за театарската сцена, а Агрон Усеини уште на првата страница освојува со невообичаената фабула и нарација, посочија од „Паблишер“.

(Текстот е објавен во „Културен печат“ број 113, во печатеното издание на весникот „Слободен печат“ на 22-23 јануари 2022)

Видео на денот