Нови детали за Бове: Повеќе не е интезивна нега, но можеби нема да може да игра фудбал во Италија
Добри вести пристигнуваат од Фиренца кога во прашање е фудбалерот Едуардо Бове.
Фудбалерот на Фиорентина ја загрижи јавноста кога во изминатиот викенд падна на теренот и изгуби свест во натпреварот против Интер. Натпреварот како што е познато беше прекинат во 17. минута и засега не е познато кога ќе се доигра.
Бове веднаш беше пренесен во болница каде што му биле направени одредени тестирања. Имено, тој повеќе не е на интезивна него, но ќе остане во болницата со цел да му се направат дополнителни испитувања за да се дознае што е точната причина за срцевиот удар.
Засега постојат информации дека ќе треба да му биде вграден дефибрилатор, ако тоа се случи Бове ќе мора да ја напушти Фиорентина бидејќи Серија А не дозволува настап на фудбалери во таква ситуација.
Ќе потсетиме, токму од таква причина Кристијан Ериксен го напушти Интер. Данецот подоцна потпиша за Брентфорд, додека денеска е член на Манчестер јунајтед каде што пристигна во 2022 година.
