Нови четири лица заразени, петмина излекувани од коронавирусот во Косово

Со денешните четворица, брјот на излечени од заразата во Косово, од 13 март кога се појави првиот случај, достигна до пет, а забележана е и една жртва. 

 Институтот за јавно здравство на Косово (ИШПК) информира вечерва за четири нови случаи кои, од извршените испитувања во текот на денот, резултирале позитивни на Ковид-19, по што официјалната бројка на заразени со новиот вирус во земјата достигна до 112, јави дописникот на МИА од Приштина.

Според објавата на ИШПК, во текот на денот се тестирани примероците на 92 лица за кои постоело соменување дека се можни носители на вирусот, а вкупната бројка на тестирани од 8 февруари до вечерва изнесува 1.267.

Сите четири нови случаи се заразени од контакти со лица кај кои претходно е потврдено присуството на вирусот. Двајца од нив се од северна Митровица и по еден од Вучитрн и Малишево.

Министерот за здравство Арбен Витија преку својата страница на Фејсбук објави вечерва дека кај четири лица кај кои претходно било потврдено присуството на Ковид-19 денеска по втор пат резултирале нгативни, што според препораките на Светската здравстена организација се смета дека се излечени.

Со денешните четворица, брјот на излечени од заразата во Косово, од 13 март кога се појави првиот случај, достигна до пет, а забележана е и една жртва. 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот