Нови 284 заразени и седум починати од коронавирус во Србија

За разлика од вчера, денеска од 959 новотестирани, регистрирани се 284 нови позитивни случаи на заразната болест, со што вкупно заразени во Србија се 1.908 лица.

Во Србија во изминатите 24 часа регистрирани се седум нови смртни случаи, со што вкупниот број на починати се зголеми на 51 лице, јави дописникот на МИА од Белград.

Од седуммината починати, петмина се мажи и две жени на просечна возраст од 64,2 години, додека вкупната смртност во однос на заразените изнесува 2,67 отсто, изјави на денешната владина прес-конференција членот на кризниот штаб, проф.д-р Предраг Кон, кој додаде дека 31 процент од смртните случаи се мажи и 12 процента се женски пол.

За разлика од вчера, денеска од 959 новотестирани, регистрирани се 284 нови позитивни случаи на заразната болест, со што вкупно заразени во Србија се 1.908 лица.

– Досега вкупно се хоспитализирани 1.082 пациенти, од кои 98 лица се водат како тешки случаи и ставени се на респиратор, истакна Кон.

Бројот на тестирни лица заклучно со денеска изнесува 7.360 лица, од кои заразени со коронавирус се 1.908 лица.

– Јасно се гледа во петтата недела, според големиот број на новозаразени и починати, дека имаме нагорна линија на епидемијата и затоа треба да се придржуваме кон владините мерки, но ќе мораме уште повеќе да ги ограничиме контактите меѓу граѓаните, оцени Кон.

Од големите карантини во Србија, на Белградскиот саем сместени се 88 лица со полесни симптоми, а од денеска и спортската сала Чаир во Ниш е претворена во карантин каде се сместени првите 14 пациенти, меѓу кои и двајца кинески државјани.

На прес-конференцијата беше кажано дека епидемијата нема граници и не прави избор, така што голем е бројот на здравствени работници кои се заразени со коронавирусот, како што е случајот со гинеколошката клиника Народен фронт во Белград со 46 заразени од вработените и 75 во карантин, а сличен е случајот и во Здравствениот дом во Чуприја.

Српскиот претседател Александар Вучиќ денеска изјави дека цел гарнизон на Првата бригада на српската војска е заразен при приемот на српските државјани од странство и најави дека утре ќе замине во Нови Пазар, кој е ново жариште на епидемијата.

Во Србија во тек е новата мерка за забрана за движење (40 часовен полициски час), која почна вчера во 13 часот и ќе трае до пет часот утре.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот