Во последните 24 часа во Србија се тестирани 7.429 лица на коронавирусот, од кои позитивни се 265, соопшти српското Министерство за здравство.

Од таму соопштија дека од последиците на ковид-19 починаа уште две лица, со што вкупниот број на жртви се искачи на 772.

Бројот на хоспитализирани пациенти порасна на 365, додека на респиратори се 23 лица.

Заради влошената епидемиолошка слика во Србија, денеска заседаваше Кризниот штаб за борба против ковид-19 и донесе три нови мерки, односно одлуки:

– На локалните самоуправи им се забранува да издаваат било какви дозволи за организирање настани.

– Белградската арена од понеделник повторно станува ковид болница.

– Услужните објекти се должни да имаат одговорно лице за спроведување на мерките во објектите.

Извор: Бета.рс