Новата сезона во кошарската прва лига стартува на 15 октомври – Слободен печат
КошаркаСпорт

Новата сезона во кошарската прва лига стартува на 15 октомври

Шампионот МЗТ Скопје, одбраната на титулата ја започнува пред своите гледачи против тимот на Куманово.

Со денешната ждрепка во просториите на Кошаркарската федерација на Македонија (КФСМ) е одреден комплетниот распоред за првата фаза во новата сезона од Првата лига. Но новото издание на Првата лига кое ќе стартува на 15 октомври, ќе учествуваат 11 екипи и во првиот дел од сезоната ќе се одиграат 22 кола и во секое коло по една екипа ќе биде слободна.

Шампионот МЗТ Скопје, одбраната на трофејот ќе ја започне пред своите гледачи и тоа против екипата на Куманово. Најтрофејниот кошаркарски колектив, Работнички му гостува на дебитантот во Првата лига, Академија ФМП.

Ждрепката одлучи вечното дерби помеѓу МЗТ Скопје и Работнички да се одигра по последното коло од двете фази, во 11. и 22. коло, а првата средба ќе се одигра на теренот кој центарци ќе го пријават за домашен, ако на сила остане забраната за играње во „Градски парк“, додека вториот дуел ќе се игра во СЦ „Јане Сандански“.

РАСПОРЕД НА НАТПРЕВАРИ ЗА 1 КОЛО:
Академија ФМП – Работнички
Еуроникел – Гостивар
Кожув – АВ Охрид
Вардар – Пелистер
МЗТ Скопје – Куманово
МЗТ 2 слободен

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close