Новата кошаркарска сезона почнува со дербито Работнички-МЗТ!

Новата сезона во Првата лига-мажи ќе почне на 3.октомври, одлучи Здружението на претставниците на клубовите кои се дел од прволигашката конкуренција, на состанокот кој го водеше новиот претседател на Здружението, Мери Ковачевска.

Меѓу нив и двата нови членови на елитното друштво, КК „ТФТ“ од Скопје и КК „Црн Дрим“ од Струга, што ја прават бројката на екипи-учесници на 12. Согласно со тоа, односно системот за натпреварување за сезоната 2020/21, во првиот дел од првенството ќе се одиграат вкупно 22.кола.

Првопласираните шест екипи (со пренесени бодови од првиот дел), продолжуваат со натпреварувањето во Супер лигата. Екипите (исто така со пренесени бодови од првиот дел) кои ќе завршат од 7. до 12. позиција на табелата, ќе разигруваат во „Плеј-аут“ лигата.

Прочитајте и...  После Бартомеу, Барселона доби привремен претседател
фото: kfsm.mk

Комесарот за натпреварување, Сречко Хорват, го презентираше Протоколот за организација на првенствени натпревари од страна на КФСМ во вонредни ситуации настанати поради вирусот Ковид-19, во сите рангови на натпреварување за сезона 2020/2021.

Нашата федерација ќе ги покрие трошоците на екипите за задолжителното тестирање од вирусот Ковид-19, кое треба да биде извршено на 72. часа пред почетокот на новата натпреварувачка сезона. Иако имаше опција котизацијата за натпреварувањето во Првата лига-мажи да биде укината, клубовите се согласија дека тоа е нивна обврска.

Доколку Агенцијата за Спорт и млади обезбеди посебни, наменски средства до федерацијата за котизација, истите ќе бидат распределени до сите екипи, членки на Првата лига-мажи.

Во новата натпреварувачка сезона, официјална топка со која ќе се играат натпреварите во Прва лига-мажи, ќе биде „Вилсон“. За секоја екипа од Првата лига-мажи, федерацијата ќе додели по десет топки од оваа компанија со која постигна договор за соработка во наредниот период.

Прочитајте и...  Позитивен наставник во Кавадарци повлече во изолација свој колега и 22 ученици, заболени се и три медицински лица

ДВОЈКИ – 1.КОЛО

(3.ОКТОМВРИ)

Академија ФМП – Гостивар
ТФТ – Куманово
Кожув – Пелистер
МЗТ Скопје Уни Банка – Еуро Никел 2005
Работнички – МЗТ Скопје Аеродром
Вардар – Црн Дрим

Поврзани вести

Надал се откажува: Ѓоковиќ и шеста година најдобар тенисер на светот!

Слободен печат

Без Борко и Георгиевски против Финска и Швајцарија!

Слободен печат

Пирло: Има млади и неискусни во Јуве, далеку сме од Барса!

Слободен печат

Ндомбеле: Не ме повредија, ниту ме мотивираа зборовите на Мурињо!

Слободен печат

„Џокерот“ на Солскјер: Решфорд го надмина рекордот на Мбапе!

Слободен печат

Лига Европа: Адеми против ЦСКА Москва, холандски предизвик за Велковски

Слободен печат

Остави Коментар