Новата книга на Сноуден трн во око на американските служби
Американската влада понесе тужба против информаторот и свиркачот Едвард Сноуден. Тие тврдат дека неговите новообјавените мемоари „Permanent Record“ ги кршат договорите за неоткривање на нови податоци кои ги потпишал со ЦИА и НСА, објави „Телеграф“.
Граѓанската тужба, која е поднесена денес, наведува дека Сноуден го прекршил договорот така што не го испратил првичниот нацрт на книгата на двете агенции на преглед, пред нејзиното објавување.
Исто така, се наведува дека јавните настапи на свиркачот за „прашања поврзани со разузнавачки податоци“ исто така го прекршиле договорот.
– Разузнавачките информации би требало да ја штитат нашата држава, а не да овозможуваат личен профит. Со оваа тужба ќе се осигуриме дека Сноуден нема да прими парична корист од кршење на довербата – рече Закари Тервилиџер, американскиот обвинител за источниот округ на сојузната американска држава Вирџинија.
Сноуден во 2013 година отрки доверливи информации додека работеше за агенцијата НСА. Тој избега во Хонгконг, а потоа и во Русија, каде се наоѓа и денес.