По освојувањето на 24 Грен слем титула во кариерата, Новак Ѓоковиќ (36) во Белград имаше спектакуларен белградски пречек на српските освојувачи на медали на големите натпреварувања.

А потоа продолжи во Валенсија за да ѝ помогне на Србија да се квалификува за финалниот турнир во Дејвос купот, а сега донесе и нова одлука.

Српскиот тенисер сака да го зачува своето тело и да си даде време целосно да се опорави од сите натпреварувачки напори, но ужива и во слободното време, па логична е неговата одлука да го прескокне Мастерсот во Шангај оваа сезона, како и бодовно помалку вредниот турнир во Пекинг.

– Во текот на годините, една од најдобрите поддршки што ја добивам насекаде во светот е Кина. Шангај отсекогаш бил еден од моите омилени турнири во сезоната. Ќе ми недостига мојот „НолеФам“ во Кина. Се надевам дека во иднина ќе се вратам во Кина и повторно ќе играм пред сите вас – напиша Ѓоковиќ на Инстаграм.

Наведените турнири ќе се играат на крајот на овој месец и во првата половина на следниот месец, овој пат без првиот светски рекет, кој е фокусиран на најважните турнири и неговиот приватен живот некое време, со голема желба следната година да освои злато на Летните олимписки игри во Париз.