Еден од двајцата тренери на првиот светски рекет, Горан Иванишевиќ откри што го издвојува Новак Ѓоковиќ од останатите.
– За ова би ни биле потребни три часа да зборуваме. Се го одвојува, иако верувам дека на прво место е нашиот балкански менталитет кој е посебен, поинаков, поснаодлив, најдобар.
Не зборувам само за Новак како тенисер туку за сите спортови и надвор од спортот. Затоа Западот се плашо од нас, бидејќи сме добри. Новак е специјален, генијалец и перфекционист. Не велам дека секогаш е лесно со него, но тоа претставува голем предизвик, доверба, чест. Тој е човек кој сака секој ден да биде подобар и подобар, денеска беше добар, но веќе утре мора да биде подобро. Постојано ве турка напред и многу може да се научи од него, никогаш не е досадно – вели Иванишевиќ кој моментно претстојува во Белград на Србија Опен.

Интересно е што оваа година, ќе се одбележат точно 20 години од неговиот триумф на Вимблдон.
– Искрено, другите нека водат статистика за тоа, кога ќе ми честитаат, се прашувам зошто сега го прават тоа. Гледам дека остарев, дека времето брзо поминува. Тој Вимблдон е неповторлив, толку чудни работи се случуваа кои никогаш повторно нема да се случат – додава Иванишевиќ.