Нова студија: Пациентите на хемотерапија имаат подобар имунитет по третата вакцина
Нoвата студија од Медицинскиот факултет во Аризона, тврди дека заштитата од коронавирусот постигнато со третата доза на „Фајзер / БиоНтек“ кај пациенти со рак подложени на хемотерапија е поголема.
„Хемотерапијата може да ја наруши способноста на пациентите со рак да се борат против инфекциите и да развијат соодветен одговор на вакцините“, вели Депета Батачарија од Медицинскиот факултет на Универзитетот во Аризона, коавтор на студијата објавена во списанието „Nature Medicine“.
Неговиот тим проучувал 53 пациенти кои примале хемотерапија и примиле две дози од вакцината на „Фајзер“. Речиси сите испитаници развиле имунолошки одговор по вакцинацијата.
Нивото на антитела се подобри кај огромното мнозинство пациенти
„Според сите истражувања, ова е причината зошто пациентите со рак се повеќе подложни на инфекции и ковид-19 отколку здравите вакцинирани луѓе“, рече Батачарија.
Истражувачите успеале да вакцинираат 20 учесници во студијата со третата доза на вакцината, за да видат дали имунолошкиот одговор ќе се подобри.
„Нивото на антитела се подобри кај околу 80 проценти од пациентите со рак“, рече Батачарија, заклучувајќи:
„Нашите податоци за пациентите со рак ги поддржуваат упатствата на Американските центри за контрола и превенција на болести според кои луѓето со ослабен имунолошки систем треба да примаат трета доза „Фајзер“ додаде таа.