Нови истражувања покажаа дека инсектите го сакаат канабисот, пчелите особено. Тие не гравитираат кон него од истата причина како и луѓето, на пчелите очигледно им се допаѓа неговиот полен.

Ова откритие е направедно од истражувачи од Универзитетот Корнел, кои откриле дека колку се повисоки растенијата канабис и колку поголема површина зафаќаат, толку повеќе пчели ќе бидат привлечени од нив.

Односно, пчелите имале 17 пати поголема веројатност да одат кон повисоките стебл отколку кон пониските.

Во истражувањето се вели дека висината на стеблата канабис е силно поврзана со богатството и изобилството на видовите пчели.

„Поради својата временски уникатна цветна фенологија, конопот има потенцијал да обезбеди нутритивен извор за пчелите за време на периодот на недостаток на цвеќе и со тоа може да помогне во одржување на процесот на опрашување – важен за агроекосистемите“, велат истражувачите.

На пчелите навистина им се допаѓа поленот од растението канабис, но не очекувајте чудно однесување кај пчелите, затоа што тие немаат рецептори за канабиноиди.

Новите истражувања биле големо изненадување за многумина, бидејќи традиционално, пчелите ги привлекуваат растенија со светла боја или сладок нектар, две работи кои што ги нема растението канабис.

Сепак, тоа што пчелите го сакаат ова растение може да се покаже исклучително корисно за нивната популација. На многу растенија им требаат пестициди за да им помогнат да растат – нешто што де факто учествува во намалувањето на бројот на пчели, но на растението канабис, наводно, не му е потребна помош од пестициди, што прави пчелите побезбедно да го извлечат поленот.

Ова работи во наша полза, бидејќи пчелите се одговорни за вкрсено опрашување на цвеќињата што го развиваат растот на овошјето и зеленчукот што нам луѓето ни треба за да преживееме.

Имајќи го ова предвид, во студијата се наведува дека земјоделците треба да го имаат предвид овој факт за пчелите и да го разгледат начинот на развивање на стратегии за управување со штетници.

Ова не е единствената добра вест поврзана со пчелите што се случи оваа година. Уште во јуни беше објавено дека пчелите многу подобро се снаоѓаат во споредба со претходната година.

Помеѓу 1 октомври 2019 година и 1 април 2020 година, пчелите изгубиле само 22,2% од сите колонии во Америка, во споредба со претходната зима кога замреле рекордни 37,7% од колониите.