Нова револуција во Милан, Малдини и Бобан ќе добијат отказ
По очајниот старт во Серија А, но и катастрофално одработениот преоден рок, во Милан се подготвува нова револуција, тврди „Калчомеркато“.
Тие се убедени дека директорскиот тандем Паоло Малдини и Звонимир Бобан ќе добијат отказ.
Причината е катастрофално одбработениот преоден рок и лошите резултати на стартот од сезоната, а имаат и сосема поинакви идеи и гледишта од сопствениците за тоа како треба да изгледа Милан.
Директорскиот тандем прво го ангажира Марко Џампаоло за тренер, а потоа неколку месеци подоцна го откушти и на негово место го поставија Стефано Пиоли, но сопствениците и навивачите не гледаат напредок во играта и под водство на новиот тренер.
Поради тоа, сопствениците на Милан, фондот Елиот, ќе им дадат отказ на Малдини и на Бобан и планираат да го ангажираат Германецот Ралф Рангник со тоа што ќе му понудат комплетна контрола над првиот тим. Имено, Рангник би требало да има улога каква што имаше сер Алекс Фергусон во Манчестер јунајтед. Тој би бил и тренер, и главен скаут и спортски директор кој самостојно ќе одлучува за трансферите.