Претседателот на бугарската кошаркарска федерација, Георги Глушков ја обелодени идејата за формирање ново регионално натпреварување во кое би учествувале клубови од Србија, Македонија, Грција и Бугарија.

Пред извесно време беше активирана идејата за бугарско-македонска лига, а според последните информации можно е во натпреварувањето да се вклучат клубови од Србија и Грција.

Глушков потврди дека се преговара на оваа тема, како и дека постои рок за реализација на проектот, информира „sportklub.rs“

– По тоа прашање напорно работиме. Мораме брзо да се ориентираме и имаме повеќе информации. Во контакт сме со челниците на соседните федерации. Мислам дека рокот 15 јули е најповолен, така што можеме да се организираме. Ќе биде многу тешко, бидејќи мора да се направи календар за домашното првенство. Постојат варијанти за вклучување на екипи од Грција и Србија. Имаме добри односи со тие земји – рече Глушков.

После состаноците и разговорите на претставниците на федерациите, ќе се знае каква би била таа лига. Покрај АБА лигата во која учествуваат екс ју екипи, на овие простори се игра и Балканската лига (БИБЛ).