Барселона ги одби сите предлози на „кралевите“, шпанската фудбалска федерација и „Ла Лига“ да се игра на друг терен првото „Ел Класико“ за сезонава кое според распоредот треба да се игра на 26 октомври на „Камп Ноу“.

Челниците на шпанскиот фудбал, но и комплетната власт на оваа земја, се загрижени поради натпреварот кој е под знак прашалник поради политичката напнатост и тензија на релација Мадрид – Барселона (Каталонија).

Барса одбива да се промени домаќинството на Ел Класико и предлогот второто дерби за оваа сезона меѓу двете екипи кое е закажано за март наредната година, да се одржи на „Камп Ноу“.

Моментно најдобрата опција е да се одложи овој натпревар, а неколку шпански медиуми веќе најавуваат дека таа опција е избрана, и дека мечот според планираното ќе се игра на „Камп Ноу“, но на 18 декември.

Сеуште нема официјална потврда, а се шпекулират и други датуми. Сега се појави и трета опција, односно аргентинските медиуми пишуваат дека градот Буенос Ајрес се нуди да го организира „Ел Класико“ кон крајот на овој месец.