Нова надеж во лекувањето на ковид-19: Британските научници дошле до значајно откритие

Фото: EPA-EFE/STEPHANIE LECOCQ

Британските научници ќе почнат да го тестираат протеинот интерлеукин 7, како нова терапија во лекување на ковид-19, пренесува Би-би-си.

Научниците во Велика Британија откриле дека лицата заразени со коронавирус имаат мал број клетки на имуниот систем кои се нарекуваат Т-клетки или Т-лимфоцити. Анализата на крвта на 60 пациенти заболени од ковид-19 покажале значаен пад на бројот на Т-клетките.

Ваквите резултати ги изненадиле научниците, бидејќи овие клетки имаат заштитна и одбранбена улога, но коронавирусот го намалил нивниот број.

Во микролитар од капка крв на здрава личност просечно има меѓу 2.000 и 4.000 Т-клетки, додека кај пациентите зарзаени со ковид-19 кои биле опфатени со истражувањето, бројот на овие клетки бил меѓу 200 и 1200.

Научниците тврдат дека истражувањата можат да доведат до формулирање на тест за утврдување на бројот на Т-клетките во крвта, кој би овозможил да се предвиди развојот на потешки облици на ковид-19.

Интерлеукинот веќе е тестиран на помала група пациенти со сепса, кога се покажало дека овој протеин го поттикнува создавањето на Т-клетки.

Видео на денот