Фудбалерот на Барселона, Лионел Меси уште еднаш ја покажа својата хуманост на дело. Откако во Аргентина бројката на заболени лица од ковид-19 помина преку 6.000, Меси донираше 500.000 евра за борбата со коронавирусот.

Според „ТиЦ спортс“, Меси парите ги донирал на фондацијата Гарахан која купената медицинска опрема ќе ја распредели во здравствените центри низ Аргентина. Со парите донирани од Меси ќе се купат респиратори и вентилатори.

– Со овие пари ќе биде купена заштитна опрема за медицинскиот персонал за неколку реони од државата, сето она што им е неопходно на докторите и медицинските сестри на првата линија од фронтот. Ти благодариме Лео Меси за донацијата – изјави директорот на фондацијата Гарахан, Силвио Касаб.