Нова цена на струјата за два месеца
Новите цени на енергенсите ќе се носат пролонгирано, а новата цена на струјата ќе се знае за два месеца. Поради вонредната состојба во која до неодамна беше земјата, Регулаторната комисија за енергетика, на барање на енергетските компании, направи промена на правилниците за електрична енергија, природен гас и топлинска енергија.
„Вонредната состојба заврши, со што се создадени сите предуслови во кои роковите отпочнуваат да течат за определување максимален приход, просечни тарифи за пренос и дистрибуција на електрична енергија, организирање и управување со пазарот на електрична енергија, како и определување на цената на електрична енергија по којашто се врши нејзина продажба на домаќинствата и малите потрошувачи. Истото важи друштвата за производство, дистрибуција и снабдување со топлинска енергија. Се очекува овој процес да заврши најдоцна во следните два месеца, кога ќе биде известена и јавноста“, велат од Регулаторната комисија за енергетика.
Енергетските компании побарале да се пролонгираат роковите за да има простор да ги достават дополнителните барани анализи на состојбата, по што се направени измени во правилниците.