Нова „бомба“ на Фејсбук: Шекеринска бара ДИК принципелно да гласа за Центар?
На социјалните мрежи се појави нова т.н „бомба“ од Ел Чека. Станува збор за нелегално прислушкуван разговор во кој, според објавувачот, може да се слушне гласот на сегашната министерка за одбрана и вицепремиерка Радмила Шекеринска, и Фатмир Бесими, поранешен вицепремиер за време на владеењето на ВМРО-ДПМНЕ.
Се верува дека станува збор за разговор од 2013 година за време на локалните избори, а женскиот глас на снимката кој се претпоставува дека е Шекеринска, бара од соговорникот нивниот човек во Државната изборна комисија „принципелно да гласа по однос на изборната победа на опозицијата во Центар и Куманово“. Се додава дека доколку има прогласување секаде каде што победува тогашната опозиција, тоа го загрозува извештајот за Македонија.
На локалните избори во 2013 година имаше прегласување во Центар и во вториот круг победи Андреј Жерновски.
Се очекува официјална реакција на министерката за одбрана по објавениот аудио-разговор.