НОВА АНКЕТА ВО ХРВАТСКА: Еве како би завршиле пресметките во вториот круг на претседателските избори – Слободен печат
ВестиРегион

НОВА АНКЕТА ВО ХРВАТСКА: Еве како би завршиле пресметките во вториот круг на претседателските избори

Во оваа анкета се истражувало како би завршиле пресметките помеѓу претседателските кандидати во вториот круг на претседателските избори во Хрватска.

Објавен е вториот дел од истражувањето ХРејтинг кое го спроведува агенцијата Промоција Плус, а го објавува ХРТ.

Во оваа анкета се истражувало како би завршиле пресметките помеѓу претседателските кандидати во вториот круг на претседателските избори во Хрватска.

Пресметка Колинда и Милановиќ

Во однос на истражувањето од минатиот месец, редоследот на кандидати е идентичен, но трендот на пад на поддршката на кандидатката на ХДЗ и порастот на кандидатот на СДП продолжува и во октомври. Иако во однос на септември таа изгубила повеќе од 3% (3,31%) поддршка на гласачите, актуелната претседателка, ако изборите се одржале вчера, би го освоила вториот мандат. Колинда Грабар-Китаровиќ добила 49%, а Зоран Милановиќ 44,1% од гласовите.

Пресметка Колинда и Шкоро

Пресметката помеѓу Колинда Грабар-Китаровиќ и Мирослав Шкоро би завршила исто како пресметката помеѓу Грабар-Китаровиќ и Милановиќ, со отприлика еднакви резултати. Кандидатката на ХДЗ во вториот круг би го победила Мирослав Шкоро. Резултатот би бил: 49,4% за Грабар-Китаровиќ и 44% за Мирослав Шкоро. Поддршката на Шкоро во однос со септември значително пораснала (2,35%) од поддршката за актуелната претседателка (0,21%).

Пресметка Милановиќ и Шкоро

Иако во однос на минатиот месец, поддршката за Милановиќ малку повеќе пораснала отколку за Шкоро, при оваа комбинација Шкоро излегува како победник. Да беа одржани изборите вчера, тој би добил 3,3% повеќе гласови. Така Шкоро би освоил 49,5%, а Зоран Милановиќ 46,2%.

Анкетата за ХРТ ја спровела агенцијата Промоција Плус од 14 до 18 октомври при анкетирање на 1400 испитаници.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close