Нов Зеланд воведува построги мерки за карантин по откривање на два случаи на мутација на јужноафрикански коронавирус

Нов Зеланд воведува дополнителни правила за карантин откако два случаи на мутација на јужноафрикански коронавирус беа потврдени во Окланд и ја чека одлуката на Австралија дали повторно ќе дозволи патување без карантин за жителите на оваа земја.

Австралија го суспендираше таканаречениот еднонасочен „патнички балон” со својот сосед на 72 часа откако во понеделникот Нов Зеланд го потврди својот прв случај на Ковид 19 во последните неколку месеци, а оттогаш уште две лица се покажаа позитивни на тестот за јужноафриканскиот вид на коронавирус, а сите случаи беа поврзани со истото сместување во карантин во Окланд.

Нов Зеланд најави дека ќе ги заостри правилата во карантинските објекти и дека луѓето нема да можат да ги напуштат своите простории по Ковид тестот на 12-тиот ден.

Премиерката Џасинда Ардерн денеска изјави дека е уверена во мерките што се преземаат за запирање на нови инфекции на Ковид-19 и дека ги советувала здравствените служби да и ги дадат на Австралија сите информации што ќе им помогнат да одлучат за ограничувањата при пристигнување од Нов Зеланд.

– Апсолутно сакаме тие да ја имаат истата доверба што ние ја имаме во нашите системи. Можеме да го сториме тоа со давање добри информации, изјави Ардерн.

Австралија денеска ќе донесе нова одлука во врска со пристигнувања од Нов Зеланд, а властите соопштија дека им требаат повеќе информации за новите случаи во земјата.

Вкупниот број активни случаи во Нов Зеланд е 69, а земјата досега има 1.943 потврдени случаи на коронавирус и 25 смртни случаи како резултат на болеста. 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот