Нов Зеланд: И покрај „локдаунот“ заразата и натаму се шири

Ковид-состојба во Нов Зеланд
Ковид-состојба во Нов Зеланд / Фото: EPA-EFE/DAN HIMBRECHTS

Владата на Нов Зеланд го продолжи „локдаунот“ во целата земја најмалку до вторник, откако се зголеми бројот на заразени со коронавирусот.

Епидемијата на вирусот во Нов Зеланд, која неодамна повторно избувна по шест месеци, се прошири од најголемиот град Окленд до главниот град Велингтон.

Здравствените власти денеска соопштија дека трите лица во Велингтон што неодамна го посетија Окленд се позитивни.

Тие велат дека бројот на заразени се искачи на 31. Досега, Нов Зеланд успешно се бореше со епидемијата, а меѓу пет милиони жители од ковид-19 починаа само 26 луѓе.

Приближно 20 проценти од населението на Нов Зеланд е вакцинирано против коронавирусот.

Видео на денот