Не, немаме печатна грешка во насловот, новата диета која го освојува светот се вика пеганска диета и е комбинација на палео и веганска исхана.

Исто така ниту овој факт не е погрешен, дури и покрај тоа што веганската и палео исхраната се спротивни една на друга. На прв поглед се чини невозможно да ги комбинирате, но поентата на исхраната е исклучувањето на мааните на секоја од двете исхрани.

Диетата се базира на цели житарици, свежа храна, многу овошје и зеленчук и речиси целосно исклучување на храна со адитиви.

Правила:

Дозволени се овошје, зеленчук и житарици, а забранети се процесирани јаглехидрати и шеќери. Консумирајте овошје со низок гликемиски индекс.

Овошјето и зеленчукот треба да зафаќаат 50-70% од диетата. Потемниот зеленчук е поздрав. Избегнувајте ги скробните зеленчуци, а ако можете и целосно исклучете ги.

Мастите внесувајте ги преку јатки, риба, авокадо и маслиново масло.

Месото сочинува 25% од целосниот оброк.

Млечните производи се забранети, освен повремено мали количини од козјо или овчо млеко.

Житариците се дозволени, освен оние кои содржат глутен.

Избегнувајте мешунки, а исто и шеќер. Заменете го со јаворов сируп или кокосов шеќер.

Адитивите морате да ги исфрлите целосно од исхраната. Мора да се храните што поприродно и поорганско. Протеините внесувајте ги преку јајца, а месото и рибата јадете ги повеќе како додаток, наместо како основа.

Досега не се забележани несакани ефекти од пеганската исхрана. Добро во нејзе е што е нискокалорична, но сепак заситува, што е клучно за одржување на здравјето и на витката линија.