Многу познати личности се „обвинети“ за започнување на новиот тренд издолжување на прстите, за раката да изгледа послаба.

Необичниот тренд првенствено го започнале познатите личности од семејството Кардашијан/Џенер, а блогерката Сара Таскер предупредува зошто младите не би требале „слепо“ да го следат.

Новиот инстаграм-тренд исплаши многумина, изгледа дека девојките ширум светот имаат совршени прсти на рацете, во што им помага фотошопот.

Сара споделила неколку фотки на кои се гледа дека рацете се ретуширани и дека прстите се значително издолжени.

„Мислам дека ова е најдобар доказ колку поимот за идеално тело на Инстаграм отишол далеку – генетски невозможен струк, нагласување на облините, а сега и прстите. Едноставно е претерано!“, напишала.

Тоа повлекува ново сериозно прашање – каква порака им праќаме на младите жени и девојки ако тие мислат дека природните линии на рацете и неправилната кожа се неприфатлива мана која мора да ја поправат?

Меѓу познатите личности кои имаат совршено мазни издолжени раце и прсти се Кајли Џенер, Клои Кардашијан, Селена Гомез и Скарлет Јохансон.