Нов тренд кај идните невести: Дали ова ќе биде главниот аксесоар на венчавката? (ФОТО)
Жена која отворила бутик за венчаници кон почетокот на оваа година открила дека се повеќе од идните невести се распрашуваат за маски за лице кои совршено би им се вклопиле со венчаницата.
Оана Кејкак со потекло од Романија, веќе 13 години живее во Ирска каде го отворила „Angelo Bridal“ студиото за венчаници.
Со оглед на тоа што морала да го затвори бутикот на 2 месеци поради пандемијата од коронавирусот, пред повторно да го отвори таа го преуредувала излогот и сфатиле дека треба да почне да произведува свадбени маски, бидејќи за само половина час, дури 3 жени ја прашале дали продава и маски покрај венчаницата.
„Доколку во Ирска биде задолжително носењето маски, сигурна сум дека тие ќе им бидат потребни и на идните младенци, па затоа ќе се потрудам да ги креирам во склад со тоа што ќе го носат“, истакнува Оана.
Како што вели, голем број на венчавки се откажани и тоа во екот на пролетната сезона, а се надева дека со произведувањето на свадбените маски ќе може да влијае на идните младенци сепак да ги одржат венчавките со додатни, но модерни заштитни мерки.