Нов шок за Ливерпул, Наполи бара 40 милиони евра повеќе од својот играч
Англискиот тим никако да се опорави од шокот што го доживеа со неангажирањето на Тимо Вернер од Лајпциг и никако не успеваат да израдуваат навивачите со добра вест.
Фановите на „црвените“ денеска повторно се разочараа, а менаџерот Јирген Клоп доживеа нов шок, откако неговата понуда за дефанизвецот на Наполи, Калиду Кулибали беше експресно одбиена.
Ливерпул понуди 60 милиони евра за Кулибали кого Клоп сака да го спои со Ван Дајк и да го формира најдобриот тандем на дефанзивци, но претседателот на Наполи, Аурелио де Лаурентин, веднаш ја одби оваа понуда притоа порачувајќи дека нема шанси да седне на преговори доколку понудата не изнесува 100 милиони евра.
Поради ваквиот одговор Ливерпул експресно се откажал од идејата за ангажирање на Кулибали за кого во игра останаа само два тима, ПСЖ и Манчестер јунајтед, но прашање е дали тие се подготвени да платат 100 милиони евра во време кога сите екипи имаат финансиски проблеми поради пандемијата на коронавирусот.