Нов шок во Ла Лига, Валенсија обвинува за матни игри по расистичкиот скандал
Страстите во шпанскиот фудбал не се смируваат откако вчерашниот натпревар помеѓу Кадиз и Валенсија беше прекинат 20-тина минути поради расизам.
Имено, фудбалерот на Кадиз, Хуан Кала, го навредил на расна основа играчот на Валенсија, Муктару Диакаби, што доведе до тоа играчите на гостинскиот тим да се повлечат во соблекувалната.
Тоа што се случувало во тие 20-тина минути во соблекувалните е мистерија, како и причината зошто играчите на Валенсија се вратија на теренот, а главниот виновник за инцидентот остана во игра.
Денеска, фудбалска Шпанија остана во шок по сознанието дека Валенсија била уценета.
Судијата Давид Хименез во својот извештај напиша дека на ниту еден начин во разговорите не влијаел да се продолжи натпреварот. Тој тврдел дека претставниците на двата клуба го известиле за одлуката фудбалерите да се вратат на теренот.
Acta del #CádizValencia en referencia al posible insulto racista de Cala a Diakhaby
⬇️⬇️⬇️ pic.twitter.com/fdWXSDykxY
— ONDA DEPORTIVA (@ODValencia) April 4, 2021
Но, на овие тврдења на судијата Хименез реагираше Валенсија со остро соопштение во кое наведуваат дека биле „принудени“ да се вратат на теренот, а притоа клубот нагласува дека судијата дури им се заканувал со страшни последици доколку тоа не се случи.
?? COMUNICADO | @ValenciaCF
❌ “El Club en NINGÚN momento insta a sus jugadores a volver al césped”
? “El árbitro traslada a los jugadores las potenciales consecuencias de no volver al terreno de juego. Los jugadores fueron FORZADOS a jugar bajo AMENAZA de penalización” pic.twitter.com/GMhOLoKl5q
— Carrusel Deportivo (@carrusel) April 4, 2021
Првично шпанските медиуми објавија дека самиот Диакаби наводно барал од неговите соиграчи да се вратат на теренот, но Валенсија ги демантира тие написи со своето соопштение кое донесе ново прашање – зашто и се скратува можноста на екипата да протестира?
Ла Лига која е организатор на првенството, веднаш спроведе интерна истрага, но во првото соопштение објави само дека „нешто се случило“.
Шпанските медиуми застанаа во одбрана на фудбалерот на Валенсија, а обвинетиот Хуан Кала конечно се огласи и побара да се почитува презумпцијата на невисност.
– Очигледно е дека презумпцијата на невиност не се почитува во Шпанија. Не се грижете, нема да се кријам – изјави Кала кој најави дека утре ќе одржи прес конференција и ќе одговори на сите прашања.