Македонската јуниорска машка репрезентација доживеа нов пораз на Европското првенство до 18 години А дивизија што се одржува во Измир, Турција. Овој пат, избраниците на селекторот Тони Симиќ загубија од Грција со 61:77 во натпревар за пласман пласман од 9 до 16 место, што воедно претставува и битка за опстанок во А-дивизијата.

Грците започнаа фуриозно и поведоа со 10:1 на стартот и првата четвртина ја завршија во своја корист со 23:17. Втората четвртина помина во знакот на младите македонски кошаркари кои успеаја да се вратат во игра и на одмор за заминат со минимална предност од 39:38.

Третата четвртина помина во израмнета игра, но во која Грција ја презеде контролата на играта во последните десет минути влезе до предност од 54:50. Во неа, избраниците на Симиќ одиграа лошо во нападот и за девет минути дадоа само шест поени, а тоа противникот знаеше како да го казни и на крајот славеше со 77:61.

Дабл-дабл ефект оствари Теодор Симиќ со 15 поени и 11 скока, Петар Бошалески и Андреј Шошкиќ придодадоа уште 12 поени. Пет поени реализира Лука Димитриевски, по четири постигнаа Тома Стојаноски, АЛек Петкоски и Виктор Стојковски, еден помалку запиша Марко Трипуноски, два поени пак постигна Петар Башоски.

И покрај поразот од Грција, Македонија има шанса да обезбеди опстанок во А-дивизијата и следната година, но потребно е да победат во наредните два натпревари, од кои првиот го игра за два дена против Црна Гора.