Нов негативен рекорд и загриженост во Грција: Починаа 72 лица, а нови 2.581 пациент

Фото: EPA-EFE/BOUGIOTIS VANGELIS

И Грција денеска бележи нов негативен рекорд на смртни случаи од ковид-19 на дневно ниво со починати 72 лица, јави дописничката на МИА од Атина. Дополнително, за разлика од вчера, е зголемен и бројот на пациенти кои се приклучени на апарати на 519 лица, односно 20 повеќе од последниот пресек.

Во споредба со вчерашниот извештај, намален е бројот на новозаразени, па денеска се пријавени 2.581 нов случај од кои 673 во Солун и 582 во областа Атика, поширокиот регион на Атина.

На денешната редовна прес конференција за ковид-19 во Министерството за здравство на Грција, професорката епидемиолог и член на надлежната комисија, Вана Папаевангелу рече дека во изминатата седмица се забележува мало, но стабилно зголемување на просечната возраст на новите случаи, што изнесува околу 45 години.

– Мислам дека вреди да се коментира и предизвикува загриженост тоа што нема јасно намалување на епидемиолошкиот бран три седмици по карантинот во северна Грција и две седмици по спроведувањето на хоризонталните мерки низ цела земја, рече Папаевангелу.

Во Грција, од почетокот на епидемијата, се регистрирани вкупно 87.812 лица заразени со коронавирусот, а починаа 1.419 лица.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот