Нов фудбалски земјотрес, ПСЖ на местото на Мбапе го носи Халанд?
Трансфер пазарот во фудбалска Европа буквално експлодира во последните 24 часа, а вестите се менуваат од час во час.
Вчера главна фудбалска вест беше Килијан Мбапе кој викендов треба и официјално да стане нов фудбалер на Реал Мадрид, денеска „славата“ ја украде Кристијано Роналдо, но вечерва повторно во фокусот е ПСЖ.
Францускиот тим нема намера да седи со скрстени раце додека ги договара последните детали со Реал Мадрид околу транаферот на Мбапе, и веќе работи на пронаоѓање на негова замена.
Иако се споменуваше фудбалерот на Евертон, Ришарлисон, челниците на ПСЖ размислуваат за еден од најдобрите напаѓачи на светот, Ерлинг Халанд.
Според челниците на ПСЖ, Халанд кој на 63 натпревари за Борусија Дортмунд постигна 62 гола е идеална замена за Мбапе.
Новинарот на британски „Телеграф“, Мет Лоу пренесува дека Халанд во последните моменти од преодниот рок може да пристигне во Париз, додека францускиот „Лекип“ е повнимателен во најавите и пренесува дека се раобти на трансферот на Норвежанецот, но тој треба да пристигне наредното лето.
Во исто време, челниците на ПСЖ преговаат и Пол Погба кој исто така треба да се пресели на „Паркот на принцевите“.
Наводно се отворени преговори со Мино Рајола, контроверзниот агент кој се грижи за кариерите и на Халанд и на Погба и кој наводно се согласил Норвежанецот идното лето да се пресели во ПСЖ.