Олимпискиот оган денеска го започна 121-дневното патување низ Јапонија се до Токио каде на 23. јули ќе се одржи свечената церемонија на отворање на Олимписките игри.
Оганот своето патување низ Јапонија го започна од североисточниот дел од Фукушима, реон кој беше уништен со земјотресот во 2011 година кој предизвика цунами и потопи три нуклеарни реактори.
Првата личност со која олимпискиот факел ја започна обиколката низ Јапонија, беше Азуса Ивашимизу, која беше најзаслужна за триумфот на нејзината репрезентација на светското првенство во фубал 2011 година. Покрај неа беа уште 14 фудбалерки на таа репрезентација како и тренерот.
Церемонијата беше затворена за јавност поради страв од ширење на коронавирусот, но се пренесуваше во живот на ТВ екраните.
На навивачите им е наложено да се оддалечат од патот кога ќе поминува олимпискиот факел како и да се воздржат од гласно бодрење. Организаторот најави дека ќе ја запре или пренасочи штафератата доколку гужвата предизвика проблеми за време на цетиримесечната обиколка низ Јапонија.