Нов договор за „кралот“ Џејмс, 85 милиони за две години
Најдобриот кошаркар на шампионот ЛА Лејкерс, Леброн Џејмс се договори за продолжување на соработката за уште две години и ќе заработи максимални 85 милиони долари.
Веста за Атлетик ја потврди извршниот директор на агенцијата Клач спортс, Рич Пол кои воедно му е агент на Леброн Џејмс.
Леброн Џејмс во редовите на Лос Анџелес Лејкерс пристигна во 2018 година од Кливленд, а во минатата сезона „езерцата“ ја освоија 17. титула во НБА лигата и се израмнија со Бостон селтикс на листата на најтрофејни екипи. Џејмс во походот кон титулата просечно постигнуваше 25 поени, 10 скокови и 7.9 асистенции по натпревар.
Информацијата дека Џејмс ќе заработи максимални 85 милиони долари во наредните две сезони ја објави добро информираниот новинар на Атлетик Шемс Чаранија.
Los Angeles Lakers star LeBron James has agreed to a two-year, $85 million maximum contract extension with the franchise, CEO of Klutch Sports, Rich Paul, told @TheAthleticNBA @Stadium.
— Shams Charania (@ShamsCharania) December 2, 2020
