Нов земјотрес со јачина од 4,9 степени по Рухтеровата скала, вечерва кусо по 22 часот по локално време го погоди грчкиот остров Евија, соопшти Геодинамичкиот институт на Националната опсерваторија во Атина.

Епицентарот е истиот каде што рано утрово беа регистрирани три потреси меѓу 4,1 и 4,7 степени.

Земјотресот, освен на Евија, беше почувствувани и во областа Атика, поширокиот регион на Атина, а засега нема информации за повредени или причинета материјална штета.

Утрово во периодот од 6.30 до 7.30 часот утрово беа регистрирани три земјотреси од 4,7, 4,1 и 4,2 степени според Рихтер со епицентар во близина на Евија.