Вестите дека НБА ѕвездите му удираат „корпа“ на селекторот Грег Попович станаа секојдневие. И денеска уште еден кошаркар објави дека нема намера да игра за репрезентацијата на САД на Светското првенство во Кина (31 август – 15 септември).

Искусниот кошаркар на Кливленд кавалирс, Кевин Лав е последен кој го откажа настапот за дрим тимот на Мундобаскетот.  Претходно настапот на СП го откажаа и Ентони Дејвис, Џејмс Харден, Ерик Гордон, Си Џеј Меколум, Бредли Бил, Ерик Гордон, Тобајас Херис, Демиен Лилард , Демар Дерозан и Зајон Вилијамсон.

Sources: Cleveland Cavaliers star Kevin Love is expected to withdraw from Team USA's training camp for World Cup. Toronto Raptors All-Star Kyle Lowry remains committed on USA roster and is expected to be recovered from thumb surgery and return midway through camp in L.A.

— Shams Charania (@ShamsCharania) July 24, 2019

Кевин Лав беше дел од репрезентацијата на САД на Мундобаскетот во 2010 година и на Олимписките игри во Лондон 2012 година, и во двата наврати го освои златниот медал.

Малку насмевки на лицето на селекторот Попович донесе бекот на Торонто, Кајл Лаури кој се рехабилитира од операцијата на прстот и ќе биде подготвен за настап на Мундобаскетот. Селекторот исто така одлучи поради бројните откази, дополнително да го повика бекот на Сакраменто, Деарон Фокс.