Нов црн рекорд во Србија: 6.109 заразени и 29 починати за 24 часа

Жена со заштитна маска во Србија / Фото: EPA-EFE/ANDREJ CUKIC

Според официјалните податоци, во последните 24 часа во Србија 29 лица починале како резултат на коронавирусот, така што вкупниот број на жртви се зголеми на 1.110 лица, соопшти Министерството за здравство на веб-страницата covid19.rs.

Од последниот пресек на ситуацијата во Србија, 18.980 лица биле тестирани на коронавирус и регистрирани се 6.109 нови случаи на инфекција.

На респиратори се наоѓаат 186 пациенти.Вкупно хоспитализирани се 5.589 лица.

Од почетокот на епидемијата, во Србија официјално се потврдени 104.097 случаи на инфекција.

Стапката на смртност е 1,07 проценти.

До 15 часот на 19 ноември, во Србија биле тестирани вкупно 1.573.980 лица кои ги исполнувале критериумите за дефинирање на случајот.

Нов состанок на Кризниот штаб е закажан за утре во 9 часот.

Присуството на коронавирус во институциите за социјална заштита и домовите за возрасни и стари лица е потврдено кај 431 корисник и 294 вработени, објави Министерството за труд, вработување, работи за борци и социјални работи.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот