Еден од најистакнатите норвешки епидемиолози Еилив Лунд, професор на Универзитетот во Тромсе, ја коментираше ситуацијата со коронавирусот во Норвешка и ја спореди со Шведска.

Според најновите извештаи, во Норвешка со коронавирусот се заразени 1 отсто од жителите, а Лунд Нагласува дека тоа е „показател на слабост во норвешката стратегија“.

• Бројките ни се ниски бидејќи воведовме многу строг карантин. Да го направевме она што го направија Швеѓаните, ќе имавме повисока стапка на заразата, но со самото тоа и поголем имунитет, рече Лунд.

„Владата имаше голема доверба во стратегијата на карантин. Но, сега пројдоа неколку недели, а стратегијата да делуваше навистина ќе имавме нула случаи“, рекол тој и додал:

• Постои слабост во нашата стратегија. Се мислеше дека ако останевме во карантин доволно долго дека вирусот ќе исчезне, но тоа што е проблем е дека ние не можеме да спречиме тој да влезе од надвор. Тогаш мораме да чекаме на пронаоѓање на вакцина или лек. Само го одложивме проблемот кој неминовно повторно ќе се појави во иднината“, заклучи Лунд.