Норвешка за своите граѓани ќе обезбеди бесплатна вакцинација против ковид-19

Норвешка ќе обезбеди бесплатна вакцина против Ковид-19 за своите граѓани кога ќе стане достапна, соопшти Владата на Норвешка, додавајќи дека тоа ќе биде дел од националната програма за вакцинација.

Норвешка, која е дел од единствениот пазар во Европа, но не е членка на ЕУ, во август објави дека ќе добие вакцини обезбедени од ЕУ благодарение на договорите со фармацевтските компании.

– Сакаме што повеќе луѓе да можат да примат безбедна и ефикасна вакцина. Затоа вакцинацијата ќе биде бесплатна, изјави премиерката Ерна Солберг.

Шведска, членка на ЕУ, ќе купи повеќе вакцини отколку што и треба и ќе го продаде вишокот на Норвешка. ЕУ досега има потпишано договори со три производители на вакцини и преговара со уште неколку. Норвешка е покриена со тие договори преку договор за препродажба со Шведска, објави Владата.

Норвешка е исто така дел од глобалната иницијатива за дистрибуција на вакцини COVAX, поддржана од СЗО, на која се приклучија 171 земја, вклучително и Кина, додека САД и Русија не се дел од таа група.

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот