Норвешка вети милијарда евра помош за Украина
Норвешка вети дополнителни 1 милијарда евра за поддршка на Украина во остатокот од 2022 и 2023 година, изјави норвешкиот премиер Јонас Гар Сторе.
Тој рече дека парите се за помош на Украина да ги поддржи луѓето на кои им е потребна, да се брани себеси и за реконструкција, зборувајќи на прес-конференција со украинскиот претседател Володимир Зеленски.
Норвешка до сега има придонесено околу 202 милиони евра за поддршка на Украина и нејзините соседни земји, како одговор на воената агресија на Русија, соопшти норвешката влада.
Претседателката на Европската комисија, Урсула фон дер Лајен, исто така, предложи макрофинансиска помош од 1 милијарда евра за Украина – тоа следи од пакетот за поддршка од 600 милиони евра на ЕУ објавен во мај.