Норич му зеде мерка на Сити, Ливерпул перфектен (ВИДЕО)
Манчестер сити доживеа шокантен пораз од 3:2 на гостувањето кај Норич во рамките на петтото коло во Премиер лигата. По 30 минути игра, Норич веќе водеше со 2:0 со головите на Меклин и на Кантвел, а до крајот на полувремето, Агуеро намали на 2:1.
На стартот од второто полувреме, „граѓаните“ доживеаја нов шок, Пуки кој игра фантастично на стартот од сезоната, во 50. минута ја згоелмува предноста на Норич на 3:1. До крајот на средбата, „граѓаните“ имаа јалова иницијатива од која успеаја да постигнат само еден гол и тоа преку Родри.
За разлика од Манчестер сити, Ливерпул по пет кола има максимални пет победи. Последна жртва на „црвените“ е Њукасл кој е победен со 3:1. Њукасл со голот на Вилемс во седмата минута ги налути „црвените“ кои одговорија со три гола преку Мане и Салах.
Маркус Рашфорд со голот од пенал му донесе победа на Манчестер јунајтед од 1:0 против Лестер.
Резултати: Ливерпул – Њукасл 3:1, Брајтон – Барнли 1:1, Манчестер јун. – Лестер 1:0, Шефилд –Саутемптон 0:1, Тотенхем – Кристал Палас 4:0, Вулверхемптон – Челси 2:5, Норич – Манчестер сити 3:2.