Асоцијацијата на тениски професионалци ја објави новата листа на АТП трката и за првпат од 2014 година, на врвот, во овој дел од сезоната, нема никој со презиме Ѓоковиќ, Надал или Федерер.

Во Топ 8 играчи кои се во трка за завршниот Мастерс, Новак Ѓоковиќ е на третото место, а Рафаел Надал на осмото, додека Рожер Федерер, очекувано, не е во изборот затоа што не играл никаде.

Србинот го освои грен слем турнирот „Австралија опен“ во Мелбурн, но пред него се Андреј Рубљов и Стефанос Циципас на второто и првото место на трката.

The @FedEx ATP Race To Turin is on:

8) 🇪🇸 @RafaelNadal
7) 🇮🇹 @janniksin
6) 🇵🇱 @HubertHurkacz
5) 🇷🇺 @AsKaratsev
4) 🇷🇺 @DaniilMedwed
3) 🇷🇸 @DjokerNole
2) 🇷🇺 @AndreyRublev97
1) 🇬🇷 @steftsitsipas pic.twitter.com/l63YZrdcwY

— ATP Tour (@atptour) April 29, 2021

Гркот игра одлично во последно време, па по четвртфиналето во Мелбурн ја освои титулата во Монте Карло каде го победи Рубљов и воедно играше финале во Барселона каде загуби од Рафа.

Тој беше поразен во финалето и во Акапулко, додека загуби во полуфиналето од Данил Медведев на „Австралија опен“. Ноле, моментно првиот светски рекет, се наоѓа на третото место поради Мелбурн, иако беше елиминиран пред финалето во Монте Карло и Белград.

Доколку сака, Ѓоковиќ ќе освојува грен слем титули и во наредните три години