Ноќеска 94 лица во земјава излегле од дома за време на полицискиот час и не ја почитувале мерката за забрана за движењето.

Полицијата привела 44 од нив, 10 лица опоменала а за останатите се изготвени соодветни записници кои се доставени до надлежното основно јавно обвинителство, информира заменичката на министерот за внатрешни работи, Славјанка Петровска.

-Во текот на вчерашниот ден на 90 лица им се издадени решенија за изолација, додека 99 лица потпишале изјави за самоизолација. Исто така, од страна на полициски службеници извршени се контроли над лица во изолација и самоизолација, при што било евидентирано дека три лица во самоизолација не ја почитувале оваа мерка, односно не било пронајдени во својот дом- напиша заменичката на министерот за внатрешни работи, Славјанка Петровска.

По однос на проверка на објекти во изминатите 24 часа извршени се вкупно 253 контроли и во шест случаи констатирано е непочитување на мерките.