Како што официјално информираат од германскиот фудбалски шампион, чуварот на мрежата останува верен на баварскиот клуб.

34-годишниот голман Мануел Нојер потпиша нов договор со Баерн Минхен кој ќе трае до 30 јуни 2023 година.

#Neuer2023

— FC Bayern English (@FCBayernEN) May 20, 2020

– Баерн е многу среќен што Мануел го продолжи договорот. Тој е најдобриот голман на светот и наш капитен – рече извршниот директор на клубот, Карл-Хајнц Румениге.

Нојер е член на екипата од летото 2011 година, успеа седумпати да ја освои Бундеслигата, петпати националниот Куп, а по еднаш Лигата на шампионите и Светското клупско првенство.

Воедно со најдобрата германска репрезентација се искачи на врвот на Мундијалот во 2014 година во Бразил.