Нобеловката Малала: Шокирана сум поради состојбата во Кабул
Најмладата Нобеловка во светот, пакистанката Малала Јусуфзаи, која беше застреалана од талибанската организација бидејќи се залага за женските права на образование, вели дека е „тотално шокирана“ поради преземањето на Авганистан од страна на талибанските групи, пренесува Гардијан.
Јусуфзаи (24) вели дека е загрижена за правата на жените, малцинствата и активистите за човекови права“ и побара поголема безбедност од светските лидери.
„Ги следам настаните како Талибанците преземаат контрола во Авганистан и сум шокирана. Глобалните, регионалните и локалните власти мораат веднаш да повикаат за прекунвање на конфликтот, да понудат итна хуманитарна помош и да ги заштитат мигрантите и цивилите“ напиша Малала на Твитер.
We watch in complete shock as Taliban takes control of Afghanistan. I am deeply worried about women, minorities and human rights advocates. Global, regional and local powers must call for an immediate ceasefire, provide urgent humanitarian aid and protect refugees and civilians.
— Malala (@Malala) August 15, 2021
Талибански напаѓач ја погоди Малала во глава со огнено оружје во нападот во октомври 2012 година, а потоа е префрлена на лекување во Британија. Нејзиното семејство се пресели во Бирмингем.
Таа е најмладата добитничката на Нобелова награда за мир, а дипломираше на Универзитетот Оксфорд осум години откако е беше ранета.