Американската поетеса Луис Глик е добитничка на престижната Нобелова награда за литература за 2020 година, за „нејзиниот безгрешен поетски глас, кој со строга убавина ѝ дава универзална димензија на индивидуалната егзистенција, соопшти Нобеловиот комитет во Стокхолм.

– Луис Глик трага по универзалното, црпејќи инспирација од митови и од класични мотиви, присутни во повеќето нејзини дела, кои се стремат кон јасност. Централна тема во нејзините дела се детскиот и семејниот живот, блиските врски меѓу родителите и децата, објави Комитетот.

Глик (77) дебитираше со збирката „Првороден“ во 1968 година и наскоро преразна во една од најеминентните поетеси во американската современа литература. Таа објавила 12 збирки поезија, но и есеи. Родена е во Њујорк, а сега е професор по англиски јазик на Универзитетот Јејл.