Њукасл за 80 милиони евра го договори првото засилување
Првиот потег на новите сопствeници на Њукасл, Саудискиот инвестициски фонд кој е под директна надлежност на принцот Мохамед бин Салман, беше отпуштањето на менаџерот Стив Брус, а наредниот потег ќе биде првото големо засилување меѓу фудбалерите.
Португалскиот Спорт ТВ ексклузивно објави дека првото засилување на Њукасл ќе биде фудбалерот на Порто, Луис Дијаз бидејќи англискиот тим е подготвен да плати 80 милиони евра, колку што изнесува откупната клаузула на фудбалерот.
Колумбискиот репрезентативец игра одлично оваа сезона и на 11 натпревари постигна седум постигнати голови, од кои три му даде на Милан во Лигата на шампионите, го сврте вниманието на гигантите.
Згора на тоа Дијаз одигра одлично и за колумбиската репрезентација во квалификациите за СП 2022 година против Бразил и Еквадор, што ги натера новите сопственици на Њукасл да не размислуваат премногу и во зимскиот преоден рок да ја активираат откупната клаузула.
Интересно е што Луис Дијаз во Порто дојде од колумбискиот Атлетико Јуниор за сума од 7.1 милиони евра, а португалскиот тим ќе заработи дури 73 милиони евра од неговиот трансфер.